Hündürlükdə işlərin təhlükəsizliyi üzrə qrup təlimləri

G&I Training Academy Əlavə Təhsil Mərkəzi Hündürlükdə işlərin təhlükəsizliyi üzrə qrup təlimləri elan edir.

Hündürlükdə görülən işlər zamanı texniki təhlükəsizlik Qaydalarıüzrə Təlim kursunun Tədris Metodikası "Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi" tərəfindən razılaşdırılmışdır.

Hündürlükdə iş zamanı texniki təhlükəsizlik Qaydaları-nın tələblərinə görə işçilər hündürlükdə işlərin təhlükəsizliyi üzrə aşağıdakı 3 qrupa bölünürlər:

1-ci qrup - briqada tərkibində və ya işəgötürənin əmri ilə təyin olunmuş işçinin bilavasitə nəzarəti altında işlərə buraxılan işçilər;
2-ci qrup – ustalar, briqadirlər, staj rəhbərləri, eləcə də məsul iş icraçıları tərəfindən naryad-buraxılış üzrə təyin olunan işçilər;
3-cü qrup – işəgötürən tərəfindən təyin olunan, hündürlükdə işlərin təhlükəsiz təşkilinə və yerinə yetirilməsinə, eləcə də təlimatların keçirilməsinə, təxliyyə planı tərtib edilməsinə cavabdeh işçilər, fərdi mühafizə vasitələrinə xidmət göstərən və vaxtaşırı baxış keçirən işçilər, naryad-buraxılış verən işçilər, hündürlükdə naryad-buraxılış əsasında yerinə yetirilən işlərə cavabdeh rəhbərlər; hündürlükdə işlərin icrası planınını (bundan sonra – icra planı) təsdiq etmək səlahiyyətinə malik vəzifəli şəxslər. 3-cü qrup işçilərə həmçinin, hündürlükdə işlərin öyrədilməsini həyata keçirən mütəxəssislər, eləcə işlərin təhlükəsiz metod və üsullarla yerinə yetirilməsi təlimlərini həyata keçirən təşkilatların attestasiya komissiyalarının üzvləri və işəgötürənlər aiddir.

1-ci və 2-ci qrup işçilərə hündürlükdə işlərin təhlükəsiz metod və üsullarının dövri olaraq öyrədilməsi ildə bir dəfədən, 3-cü qrup işçilərə isə 3 ildə bir dəfədən az olmayaraq həyata keçirilir.

Təlimin məqsədi:

Hündürlükdə işləyən işçilərə işlərin təhlükəsiz yerinə yetirilməsinin metod və üsullarının öyrədilməsi;
“Hündürlükdə iş zamanı texniki təhlükəsizlik Qaydaları”nın tələbləri (Azərbaycan Respublikasının Hüquqi Aktların Dövlət Reyesteri, Azərbaycan Respublikasının Fövqəladə Hallar Nazirliyinin № 20/01-005 24 oktyabr 2016-cı il Qərarı) barədə məlumatlandırma.

Təlim kimlər üçün nəzərdə tutulub: Hündürlükdə işləri həyata keçirən bütün işçi heyəti üçün nəzərdə tutulmuşdur.

Mövzular:

Giriş
Hündürlükdə iş zamanı texniki təhlükəsizlik Qaydaları
Hündürlükdə işləyən işçilərə dair tələblər
Hündürlükdə olan təhlükələr və onlara qarşı nəzarət tədbirləri
Hündürlükdə işlərin təhlükəsizliyinin təmin edilməsi
Hündürlükdə işlərin təhlükəsizliyini təmin edən sistemlərin tətbiqinə dair tələblər
Hündürlükdə iş zamanı Fərdi Mühavizə Vasitələrinin təhlükəsiz istifadəsi
Nərdivanların, meydançaların və pilləkənlərin tətbiqi zamanı təhlükəsizlik tələbləri
Düşən əşyalar və onların qarşısının alınması
Taxtabəndlərdən (ayaqaltılardan) və Nərdivanlardan təhlükəsiz istifadə qaydaları
İş platformaları (Mobil qaldırıcı və qayçı qaldırıcılarda iş)
Hündürlükdə iş ilə bağlı baş verən fövqəladə hallar zamanı cavab tədbirləri
Hündürlükdə xilasetmə (təxliyyə) planı
Təlimin yekunlaşdırılması və biliklərin qiymətləndirilməsi (nəzəri və praktiki)